Նկարիչ Մայքլ Պարկեսի "Մոգական ռեալիզմը"

Տանտերը և հյուրերը

Ուսուցիչը նման է տանտիրոջը: Նրանք, ովքեր փորձում են ուսումնասիրել Ճանապարհը՝ նրա հյուրերն են: Այդ մարդիկ նախկինում երբևե տանը չեն եղել և շատ վատ են պատկերացնում թե ինչ բան է դա: Բայց, ամեն դեպքում, տունը՝ տուն է:

Երբ հյուրերը տուն են մտնում և տեսնում են նստելու համար նախատեսված տեղերը, նրանք հարցնում են, թե դա ինչ է: Նրանց պատասխանում են՝ "Նստելու համար նախատեսված տեղեր են: Հյուրերը նստում են աթոռների ծայրին՝ ոչ ամբողջությամբ, սակայն հասկանալով աթոռների նշանակությունը:

Տանտերը զբաղեցնում է հյուրերին, իսկ նրանք շարունակում են հարցեր տալ՝ հաճախ անտեղի: Սակայն տանտերը, որպես հյուրասեր անձնավորություն,

չի նախատում նրանց: օրինակ՝ հյուրերը ցանկանում են իմանալ, թե որտեղ և երբ են ուտելու: Նրանք ոչ մի կերպ չեն ուզում հասկանալ, որ նրանցից և ոչ մեկը ուշադրությունից դուրս չի մնալու, որ տանտիրոջից բացի, տանը ուրիշ մարդիկ էլ կան, ովքեր այդ պահին կերակուր են պատրաստում, որ կա մի ուրիշ սենյակ, որտեղ նրանց կնստեցնեն և կմատուցեն հյուրասիրությունը:

Չտեսնելով կերակուրը, և թե ինչպես է այն պատրաստվում, հյուրերը նեղվում են: Հավանաբար նույնիսկ կասկածում: Եվ ընդհանրապես վատ են սկսում իրենց զգալ:

Բարի տանտերը, հասկանալով իր հյուրերի վիճակը, պետք է հանգստացնի նրանց, որպեսզի ոչ մի բան չխանգարի, նշանակված ժամին ճաշակել ուտեստները:

Հյուրերի մեջ կան արագ ընկալող մարդիկ, ովքեր իրենց ընկերներից ավելի շուտ են ըմբռնում տանը տեղի ունեցող իրադարձությունների ընթացքը: Նրանք կարող են մյուսներին համապատասխան բացատրություններ տալ: Այդ ընթացքում, տանտերը պատասխանում է հյուրերի հարցերին՝ ըստ նրանց, տունը որպես ֆունկցիոնալ ամբողջություն ընկալելու ունակության:

Սակայն տան առկայության փաստը դեռ բավարար չէ՝ տունը պետք է պատրաստված լինի հյուրեր ընդունելու, և տանտիրոջ առկայությունը անհրաժեշտ է: Ինչ-որ մեկը պետք է բարեխղճորեն կատարի տանտիրոջ դերը, որպեսզի տանը հյուրընկալողները իրենց անկաշկանդ զգան՝ քանի որ տանտերը նրանց համար պատասխանատու է: Սկզբից շատերը չեն հասկանում, որ հյուր են, կամ էլ, ավելի ճիշտ նրանք ծանոթ չեն "հյուր" հասկացության հետ, այսինքն՝ նրանց համար պարզ չէ, թե այդ դերում նրանցից ինչ է պահանջվում և ինչ կարող է դա իրենց տալ:

Փորձառու հյուրը, ով արդեն ինչ-որ բան գիտի տների և հյուրասիրության մասին, վերջ ի վերջո թուլանում է և դրա շնորհիվ ավելի լավ է սկսում հասկանալ, թե ինչ բան է տուն և ինչպիսին են կյանքի տարբեր կողմերը նրանում: Իսկ քանի դեռ հյուրը փորձում է հասկանալ տան էությունը և հիշել էթիկետի կանոնները, նրա ուշադրությունը չափից դուրս տարված է այդ գործոններով, որպեսզի նա նկատի, ասենք, կահույքի գեղեցկությունը, արժեքը կամ նշանակությունը:

 

Այս գերհարգված առակը, որը վերցված է XIV դարում ապրած Նիզամ ադ-դին Ավլիյի "ուսմունքներից", ինչպես ենթադրվում է, օգտավետ է ամենատարբեր մակարդակների վրա: Առակը խոսում է, մասնավորապես այն մասին, որ մարդուն անհրաժեշտ է դասակարգել ուղեղի ամենատարբեր ֆունկցիաներ, որպեսզի իր մեջ զարգացնի յուրահատուկ, բարձրագույն ընկալումը:

Սա նաև նպատակ ունի, ուղեղի համար հեշտ ընկալելի ձևով հասցնել մարդուն սուֆիստական խմբի և նրա համագործակցության անհրաժեշտությունը, և ցույց տալ թե խմբի յուրաքանչյուր անդամ ինչպես կարող է լրացնել մյուսին:

Դերվիշները հատուկ ուշադրություն են դարձնում այն փաստին, որ ինդիվիդումի համար կարևոր է ի սկզբանե որոշակի խնդիրների կարգավորումը, որից հետո միայն նա կկարողանա օգուտ քաղել խմբի աշխատանքից:

Այս առակը դասվում է այն սուֆիստական գրվածքների շարքերին, որոնց վրա որոշակի արգելք է դրված: Այն չի կարելի ուսումնասիրել ինքնուրույն, և որտեղ էլ սա գրված լինի, ուսուցվողը, կարդալով այն, անմիջապես պետք է կարդա նրան հաջորդող պատմությունը:

Առակը չկա ոչ մի դասական ստեղծագործությունում, սակայն նրան կարելի է գտնել այն ձեռագիր ժողովածուներում, որը դերվիշները իրենց հետ կրում են մշտապես, և ժամանակ առ ժամանակ նա ներառվում է, որպես պլանային ուսուցման կուրսի բաղկացուցիչ մաս:

Առակի այս տարբերակը վերցրած է ձեռագրից, որում պնդվում է, որ առակը պատկանում է վարպետ Ամիր Սեյնդ Քուլալ ալ-Բուխարեստ - ին, ով մահացել է 1371 թվականին:

Image
— Адрес

Армения,
г.Ереван, ул. Вагарша Вагаршяна, 26

— Контакты