Գիշերը, տանը, աստղագետը դիտում էր աստղալից երկինքը: Այդ ընթացքում գող տուն մտավ: Առավոտյան, նկատելով կորուստը, աստղագետը հայտնեց ոստիկանություն:
Գողին ձերբակալեցին: Հարցաքննության ժամանակ նա պնդում էր, որ գողության պահին տանը ոչ ոք չի եղել: Հանցագործությունն ավելի ճշգրիտ որակելու համար՝ գողություն, թե՞ կողոպուտ, քննիչը կանչեց աստղագետին:
— Որտե՞ղ էիք դուք հանցագործության պահին:
— Տանը:
— Բայց գողը պնդում է, որ դուք տանը չեք եղել:
— Գողը կենտրոնացել էր նրա վրա, ինչն արժեքավոր է իր համար: Ես՝ նրա, ինչը կարևոր է ինձ համար: Ես «երկնքում» էի: Նա «գործի վրա» էր: Մենք նույն սենյակում էինք, բայց այդպես էլ չտեսանք միմյանց:
